Суперлига. Бугун 22-тур якунланади

Суперлиганинг 22-тур учрашувлари ўз ниҳоясига етмоқда. Бугун турнинг сўнгги баҳси ўтказилади.

Турнир жадвалининг қуйи поғоналаридан бирини эгаллаб турган "Хоразм" ўз майдонида Навоийнинг "Қизилқум" жамоасини қабул қилади. Баҳс Тошкент вақти билан соат 20:15 да бошланиши белгиланган.

Маълумот учун, айни пайтда мусобақа пешқадами "Нефтчи" ҳисобланади. Фарғоналиклар ҳисобида 51 очко мавжуд. Клуб энг яқин таъқибчиси "Пахтакор"дан икки очкога илгарилаб кетган.