Слот "Ливерпуль" ҳимоячи трансферини ҳал қилганини айтди

"Ливерпуль" бош мураббийи Арне Слот жамоа таркиби янги ҳимоячи Жованни Леони билан тўлдирилишини тасдиқлади. 18 ёшли футболчи "Парма"дан АПЛ клубига ўтади.

"Клублар келишувга эришди, аммо у ҳали биз билан шартнома имзоламади. У шартнома имзолаши биланоқ мен тафсилотларни айтиб беришим мумкин", - дея Слотнинг сўзларини келтирди Goal портали.

Бир кун аввал "Парма" "Ливерпуль"дан Жованни Леонини жамоада ижара асосида қолдиришни сўраётгани ҳақида хабарлар тарқалганди.

"Ливерпуль" Англия Премьер-лигасининг 1-туридан ўрин олган "Борнмут"га қарши баҳсга тайёргарлик кўрмоқда. Ўйин 15 август, жума куни бўлиб ўтади.