Скоулз: "МЮ бу мавсумни кучли ўнликда якунлайди"

"Манчестер Юнайтед" афсонаси Пол Скоулз жамоанинг жорий мавсумдаги имкониятлари ҳақида фикр билдирди. Унинг фикрича, "қизил иблислар" кучли ўнликдан жой олиши мумкин.

"Менимча, МЮ топ-10да бўлади. Мавсум яхши бошланмади. Улар икки ўйинни кетма-кет ютолмаяпти. Назарий жиҳатдан яхшироқ натижага эришишлари мумкин, аммо ҳозир бу жуда ҳам эҳтимолдан йироқ", — деди Скоулз "The Good, The Bad & The Football" подкастида.

Шунингдек, собиқ ярим ҳимоячидан ўз вақтидаги жамоадошларидан кимни ҳозирги таркибга қўшиши ҳақида ҳам сўрашди:

"Мен Райан Гиггзни танлардим. Ҳозирги МЮга бироз томошабоплик етишмаяпти. Гиггз эса одамларни, мухлисларни ва атрофидаги футболчиларни руҳлантирарди", — деди Скоулз.