Сиз футболни ўлдиряпсиз! Ўзбекистонга қаранг...

Машҳур футболчи ва мураббий Андрей Канчельскис asnews.kz сайти сўровига кўра,Қозоғистон футболидаги аҳволни таҳлил қилиб берди ва бу борада қўшни мамлакат Ўзбекистондаги ҳолат билан таққослаб, ўз фикрларини билдирди.

- Қозоғистон билан солиштирганда, ўзбек футболи ривожланишда жуда узоқ йўл босиб, илгарилаб кетган. Айнан Ўзбекистон биринчи бўлиб жаҳон чемпионатига чиқди, Абдуқодир Ҳусанов эса, Англия Премьер-лигасини забт этмоқда. Ҳа, Қозоғистонда ҳам яхши футболчилар бор, аммо у ерда нормал ривожланишга халақит бераётган муаммолар жуда кўп.

Ўзбекистонда инфратузилма постсовет ҳудудида энг яхшиси. У ерга ҳақиқий футбол одамлари келди, инфратузилмани ривожлантиришни, болалар-ўсмирлар футболга сармоя киритишни бошлашди. Ўзбекистонда мамнуният билан ишлаганман. У ерда барча футболни ривожлантиришга қизиқади.

Биз Қозоғистонда муайян ташаббусларни таклиф қилганимизда, одамлар бизни худди шу инфратузилмани ўзи билан олиб кетади, деб ўйлашади. Одамлар: “Бу нима учун керак?”, деб сўрашади.

Майдонлар сифатига келсак, Қозоғистонда ўйнашнинг иложи йўқ. Синтетик майдонлар билан сиз футболни ўлдиряпсиз. Масалан, Қўстанайда иккита майдон бор: бири табиий, иккинчиси манеждаги сунъий қопламали.

Биламан, мамлакатда стадионлар қуришни режалаштиришяпти. Биттаси аллақачон фойдаланишга топширилди. Кейин-чи? Қоғозда исталган нарсани қуриш мумкин.

Бироқ Қозоғистонда терма жамоа ва “Қайрат”нинг муваффақиятлари туфайли футболга қизиқиш ошганини инкор этиб бўлмайди, - деди мутахассис.

Эслатиб ўтамиз, Андрей Канчельскис футболчилик фаолияти давомида Англиянинг “Манчестер Юнайтед”, “Манчестер Сити”, “Эвертон”, “Саутгемптон”, Шотландиянинг “Рейнжерс”, Италиянинг “Фиорентина”, Саудия Арабистонининг “Ал-Ҳилол” каби клубларида тўп тепган.

Футболчи сифатида икки каррадан Англия ва Шотландия чемпиони бўлган. “Манчестер Юнайтед” сафида Европа Суперкубоги, Англия кубоги, Англия футбол лигаси кубоги, Англия Суперкубогига сазовор бўлган.

Андрей Канчельскис бош мураббий сифатида Ўзбекистонда икки маротаба “Навбаҳор”да ишлаган.Қозоғистонда эса, Қўстанайнинг “Тобол” клуби бош директори сифатида фаолият юритган.

Айни пайтда бу мутахассис Россиянинг “Динамо Брянск” жамоасида бош мураббий сифатида ишлаяпти.

 

Каннаваро: Кутиб чарчадим!

Гвардиола Ҳусановни танқид қилган мураббийни “разбор”га чақирди

Ниҳоят, Ҳусановни майдонда кўрамиз!

Ўзбекистон улкан ҳурматга лойиқ! Португалия устози Мартинес яна нималар деди?