“Сити” юлдузига жаҳон чемпионатидан жой кафолатланмади

Англия терма жамоаси бош мураббийи Томас Тухель “Манчестер Сити”нинг ҳужумкор ярим ҳимоячиси Филип Фоденнинг жаҳон чемпионати таркибидаги ўрни кафолатланмаганини маълум қилди.

Японияга қарши ўйиндан (0:1) кейин немис мураббийдан Фоденнинг жаҳон чемпионати таркибидаги ўрнига шубҳа бор-йўқлиги сўралганда, у шундай жавоб берди: “Бу унинг иштироки автоматик равишда тасдиқланганини англатмайди”.

Мураббий таъкидлашича, Фоден машғулотларда “яхши” иштирок этган, аммо “буни ҳар доим ҳам ўйинларда кўрсата олмайди”.

- Мен у бизни ҳайратга солади ва худди шундай иштиёқ ва ғайрат билан ҳаракат қилади, деб ўйлагандим, аммо ҳозирча у ўзини тўлиқ намоён қила олмаяпти, - деди Томас Тухель.

Эслатиб ўтамиз, 25 ёшли Фоден терма жамоанинг март ойидаги икки ўйинида ҳам асосий таркибда майдонга тушган ягона футболчи бўлди.

Март йиғинидан сўнг Томас Тухель 2026 йилги жаҳон чемпионатида иштирок этадиган 24 нафар футболчидан иборат рўйхатни аниқлайди.