Беллингем "Реал"дан Англияга кетмоқчи

«Реал» Мадриднинг юлдуз яримҳимоячиси Жуд Беллингем келажакда бошқа бир Европа чемпионатида ҳам ўзини синаб кўришни исташи маълум бўлди.

Teamtalk нашри ёзганига кўра, футболчида анчадан буён Англия премьер-лигасида тўп суриш орзуси бор. Беллингем ҳали карьераси давомида бу чемпионатда ўйнамагани учун келажакда у ерга йўл олишни хоҳлаши айтилмоқда. 

Шу билан бирга, бу ният ҳозирча унинг яқин режалари қаторига кирмайди. Ҳозирча у бутун эътиборини «қироллик» клуби сафидаги ўйинларга қаратган.

23 ёшли яримҳимоячининг «Реал» билан амалдаги шартномаси 2029 йил июн ойи охиригача мўлжалланган. Мутахассислар Беллингемнинг трансфер қийматини тахминан 160 миллион евро атрофида баҳоламоқда.