Саудия Про лигаси. "Ал-Ҳилол" Бензема хет-трик қайд этган ўйинда йирик ҳисобда ғалаба қозонди

Саудия Про лигасининг 21-туридан ўрин олган баҳсда "Ал-Ҳилол" сафарда "Ал-Аҳдуд"ни 6:0 ҳисобида мағлуб этди.

Эътиборлиси, ушбу ўйинда меҳмонлар сафида дебют қилган Карим Бензема хет-трик муаллифи бўлди. Шунингдек, Малком ўз ҳисобига битта голни ёздириб қўйган бўлса, Салем Ал Досари дубль қайд этди.

Шу тариқа, Симоне Индзаги шогирдлари ўз очколарини 50 тага етказиб, турнир жадвалида пешқадамлик қилмоқда.