Роналду финалнинг энг ёмон ўйинчиси деб топилди

Осиё Чемпионлар Лигаси 2 финалида Саудия Арабистонининг "Ан-Наср" клуби Япониянинг "Гамба Осака" жамоасига 0:1 ҳисобида имкониятни бой берди.

Мағлубиятга учраган жамоанинг асосий таркибида 41 ёшли португалиялик Криштиану Роналду майдонга тушди. Юлдузли тўпурар бутун учрашувни майдонда ўтказди ва гол уришга эриша олмади.

“Sofascore” портали таҳлилчилари Криштиануни ўтган финалнинг энг ёмон футболчиси деб топишди. Португалиялик ўз чиқиши учун 5,9 балл олди.

Эслатиб ўтамиз, Роналду "Ан-Наср" билан иштирок этган 14 та турнирнинг бирортасида ҳам ғалаба қозона олмаган.

Ҳужумчи 2023 йилнинг январидан буён "Ан-Наср"да тўп сурмоқда. Унинг Саудия клуби билан шартномаси 2027 йил июнь ойи охирида тугайди.