"Реал" Мбаппе эпизодидан кейин пенальти берилмаганидан норози бўлди

Мадриднинг "Реал" клуби Ла Лиганинг 31-турида "Жирона"га қарши ўйинда (1:1) бош ҳакамнинг пенальти белгиламаслик қароридан норозилик билдирди.

Иккинчи бўлимда ҳужумчи Килиан Мбаппе рақиб ҳимоячисидан зарба олиб, жарима майдонида ерга йиқилган. Француз футболчисининг юзи қонга белангани сабаб унга тиббий ёрдам кўрсатилган.

Бироқ VAR тизими эпизодни қўпол қоида бузилиши сифатида кўрмаган ва пенальти белгиланмаган. "Madrid Xtra" маълумотига кўра, ҳакамлар Мбаппенинг қонга беланган ҳолати тасвирланган суратларни фақат ўйиндан кейин ижтимоий тармоқларда кўришган.

"Қаймоқранглилар" ушбу вазиятдан жуда норози бўлган. Шунингдек, эртаси куни "Барселона" "Эспаньол"ни мағлуб этиб, Ла Лига жадвалида етакчилигини мустаҳкамлади ва "Реал"дан 9 очко олдинга чиқиб олди.