Реал” “Ливерпуль” еткачисини ўз сафига қўшиб олмоқчи

Мадриднинг "Реал" клуби "Ливерпуль" ярим ҳимоячиси Доминик Собослаи билан шартнома имзолашни режа қилмоқда. Бу ҳақда "Topskills Sports Uk" нашри маълум қилди.

Манба маълумотига кўра, мадридликлар аллақачон венгриялик хавбекнинг агентлари билан дастлабки музокараларни ўтказган. Келишув доирасига "қаймоқранглилар" "қизиллар"га маълум миқдорда пул ва  ўз ярим ҳимоячиси Эдуардо Камавингани беришга тайёрлигини маълум қилган. Маълум бўлишича, "Ливерпуль" Собослаини қўлдан чиқариш ниятида эмас ва уни фақат 160 миллион евро эвазига қўйиб юбориши мумкинлиги айтилмоқда. Футболчининг ўзи ҳам ҳафтасига 350 минг евро маош олишни истамоқда.

25 ёшли ярим ҳимоячининг айни вақтда трансфер бозоридаги нархи 85 миллион еврога баҳоланмоқда. 

Маълумот учун, Доминик жорий мавсум мерсисайдликлар сафида 34 та учрашувда майдонга тушиб, 9 та гол киритди ва 7 та голли узатма амалга оширишга эришди.