Қиличбозлик. Гуслитан Пердибаева кумуш медалга сазовор бўлди

Айни кунларда Германиянинг Дормаген шаҳарида йигитлар ва Венгриянинг Будапешт шаҳарларида қизлар ўртасида қиличбозликнинг сабля йўналиши бўйича У20 ёш тоифасидаги Жаҳон кубоги босқичи бўлиб ўтмоқда.

Яккалик йўналишида кечган беллашувларда "Ханчжоу-2022" ёзги Осиё ўйинлари ғолиби Гуслитан Пердибаева кумуш медалга сазовор бўлди. Ҳамюртимиз финалда хитойлик Суейи Раога имкониятни бой берди ва иккинчи ўрин билан чекланди.

Афсуски, йигитларимиз медаллар учун курашни эрта тарк этишди. Бугун атлетларимиз жамоавий йўналишда баҳс олиб боришади.