Қиличбозларимиздан яна бир хушхабар!

Тбилиси мезбонлик қилган қизлар ўртасидаги сабля бўйича Жаҳон кубоги босқичи ҳамюртларимизнинг олтин дубли билан якунланди. 

Гулистан Пердибаева, Аякўз Жумамуратова, Наргиза Жаксибаева ҳамда Самира Шокировадан иборат жамоамиз чорак финалда Германия, ярим финалда Италия ва финалда Венгрияни мағлуб этиб, олтин медалга сазовор бўлди.

Эслатиб ўтамиз, яккалик баҳсларида Самира Шокирова шоҳсупанинг энг юқори поғонасидан жой олган эди.