Аргентина терма жамоасида жаҳон чемпионлигига сазовор бўлган Энцо Фернандес ёзги трансферлар даврида “Челси”ни тарк этиб, Франция чемпионатига йўл олиши мумкин.
Тажрибали ярим ҳимоячи Европа Чемпионлар лигаси ва Франция чемпионати ғолиби “Пари Сен-Жермен” клуби диққат марказига тушди. Бу ҳақда ESPN журналистлари L’Equipe нашрига таяниб хабар берди.
Манбага кўра, Париж клуби мутасаддилари “Челси”да италиялик бош мураббий Энцо Мареска ишдан олинганидан кейин Лондон клубида юзага келган мураккаб вазиятдан фойдаланиб қолишни кўзлаяпти.
Жорий мавсумда Фернандес барча мусобақаларда 30 та ўйинда иштирок этиб, 8 та гол ва 3 та голли узатма муаллифи бўлди. Унинг клуб билан шартномаси 2032 йил ёзигача амал қилади. Transfermarkt маълумотига кўра, футболчининг бозор қиймати 85 миллион еврога тенг.