Ўзбекистон кубоги. Финалда жамоалар қандай либосда ҳаракат қилиши маълум

Ўзбекистон кубоги ва Суперкубоги регламентининг 5.1-бандида кубок мусобақасининг 1/2 финалида ғолиб чиққан икки жамоа орасидан ўтган мавсум Суперлига ёки Пролигадаги иштироки нисбатан яхшироқ бўлгани автоматик равишда финал учрашувининг номинал мезбонига айланиши қайд этилган. 

Шундан келиб чиққан ҳолда Лига финал ўйини учун чипталар, афишалар, анонс ва постерларда "Пахтакор" клубини мезбон сифатида акс эттиради. Финал нейтрал майдонда ташкил этилаётганини инобатга олган ҳолда, унда жамоалар ҳаракат қиладиган либослар ранги Лига томонидан белгилаб олинди.

29 октябр куни "Пахтакор" клуби ўзининг тўқ кўк рангдаги, "Бухоро" эса тўлиқ оқ рангдаги либосларида майдонга тушади. "Пахтакор" дарвозабони қизил, "Бухоро" посбони эса яшил рангли либосда ҳаракат қилади.