ОФК ОЧЛ ва ОФК кубоги ўрнида пайдо бўладиган янги мусобақаларининг логотипларини эълон қилди (фото)

Осиё футбол конфедерацияси томонидан янги 2024/2025 йилги мавсум олдидан клублар миқёсида 3 та янги мусобақа ташкил этилганидан хабарингиз бор. Конфедерация вакиллари куни кеча мазкур турнирларнинг янги логотипларини оммага намойиш қилди.

Қуйидаги расм орқали логотиплар билан танишишингиз мумкин.

Эслатиб ўтамиз, шу пайтгача ОФК клублар ўртасида Осиё чемпионлар лигаси ва ОФК кубоги каби мусобақаларни ўтказиб келаётганди. Эндиликда мухлислар Олий чемпионлар лигаси, Иккинчи чемпионлар лигаси ва Челленж лигаси каби турнирларга гувоҳ бўлишади. Шунингдек, аёллар ўртасида ҳам чемпионлар лигаси янгича форматда давом эттирилади. 

Қўшимча сифатида шуни айтиш лозим, Олий чемпионлар лигасида 24 та, Иккинчи чемпионлар лигасида 32 та ҳамда Челленж лигасида 20 та клуб ғолиблик учун кураш олиб боради. Қолаверса, аёллар ўртасидаги чемпионлар лигасида 12 жамоа иштирок этиши қайд этилган.