"Нефтчи" "Насаф" ҳужумчисини ўз сафига қўшиб олишга яқин турибди

Мавсумни кўтарингки кайфиятда ўтказа олмаган "Нефтчи" таркибни янада кучайтириш устида ишламоқда. Бунинг учун клуб айрим трансферлар устида иш олиб боряпти. 

"Sports.uz"га маълум бўлишича, "йўлбарслар" Бобур Абдухолиқовни ўз сафига қўшиб олишга яқин турибди. Жамоа ҳужумчи билан музокараларнинг сўнгги босқичида. 

Абдухолиқов мавсум бошида "Насаф"га қайтганди. У "аждарлар" таркибида 29 та ўйинда майдонга тушиб, 5 та гол уришга муваффақ бўлди. Шу билан бирга, иккита кубокни қўлга киритди. 

Бобур фуолияти давомида "Энергетик-БГУ", "Ордабаси" ва "Рух" каби жамоаларда тўп тепди. 27 ёшли страйкер эндиликда Водий клубига ўтиши мумкин.