Франция чемпионатининг еттинчи турида амалдаги чемпион “Пари Сен-Жермен” икки очко йўқотди. Луис Энрике шогирдлари “Лилль”га қарши учрашувнинг сўнгги дақиқаларида гол ўтказиб юборди.
Аслида парижликлар учрашувнинг 66-дақиқасида Нуну Мендешнинг аниқ зарбасидан кейин ҳисобни очганди. 85-дақиқада Килиан Мбаппенинг укаси Этан ҳисобни тенглаштирди – 1:1.
Қизиғи шундаки, Этан Мбаппе аслида ПСЖ тарбияланувчиси ҳисобланади. Акаси Килиан 2024 йилнинг ёзида ПСЖ билан янги шартнома тузмай, “Реал”га ўтиб кетгани Этаннинг фаолиятига ҳам таъср кўрсатган эди.
Ўшанда пойтахт клуби ёшлар жамоасида ўзини кўрсатиб келаётган иқтидорли ёш ўйинчини асосий таркибга қабул қилмай, клубдан кетказганди.
Изоҳлар (0)
Ҳозирча изоҳлар йўқ