Марказий ҳужумчи “Реал”ни тарк этяпти
- 4-июл 2024, 11:30
- Zohir Toshxo’jayev
- 0
- Футбол
“Реал” яна бир футболчиси билан хайрлашишига тўғри келади. Марказий ҳужумчи позициясида ўйнайдиган Альваро Родригес бошқа жамоага ўтадиган бўлди.
Todofichajes нашрининг ёзишича, 19 ёшли уругвайлик футболчига Испания чемпионатининг бошқа вакили – “Хетафе” иш беришга тайёр. Бу жамоё янги мавсум бошлангунга қадар ҳужумчини ўз сафига қўшиб олмоқчи.
Родригеснинг трансфери 3,5 миллион еврога баҳоланмоқда. Унинг “Қироллик клуби” билан тузган шартномаси 2027 йилнинг ярмигача давом этиши белгиоанган.
Альваро Родригес якунланган мавсумни “Реал”нинг иккинчи жамоасида ўтказди. У мадридликлар сафида 11 маротаба майдонга тушиб, рақиблар дарвозасини олти бор ишғол қилди.
Уругвайлик ҳужумчи “Хетафе” таркибида профессионал даражада кўпроқ ўйин амалиётига эга бўлишга умид билдиряпти.