"Манчестер Сити" юлдузи ҳакамни туртиб йиқитди, лекин жазосиз қолди

«Манчестер Сити» ярим ҳимоячиси Энцо Фернандес Чемпионлар лигаси 2-турида «ПСЖ»га қарши ўйин (2:4) пайтида ҳакамга нисбатан қўпол ҳаракат қилди.

74-дақиқада «шаҳарликлар» ҳимоячиси Абдуқодир Ҳусанов рақиб жарима майдони яқинида турган жамоадошига тўп узатди. Тўпга йўналган аргентиналик футболчи йўлида бош ҳакам Свен Яблонскига дуч келди. Энцо қўллари билан ҳакамни туртиб юборди ва немис рефери газонга йиқилди.

Испаниялик собиқ ҳакам Павел Фернандеснинг фикрича, Премьер-лига клуби футболчиси майдондан четлатилиши керак эди.

«Энцо Фернандеснинг хатти-ҳаракати жуда афсусланарли – у ҳакам Свен Яблонскини туртиб юборди. Ҳакам унинг йўлида тўсқинлик қилиб қолгани рост, аммо футболчи бу вазиятдан фойдаланиб, унга ҳужум қилди. Бу ҳолатда қизил карточка бериш керак эди», – деб ёзган Павел Фернандес.