Лига 1. 9 та гол киритилган баҳсда ПСЖ "Тулуза"ни йирик ҳисобда енгди. Дембеледан дубль, Невешдан эса хет-трик

Лига 1нинг 3-туридан ўрин олган баҳсда Луис Энрике бошқарувидаги ПСЖ сафарда "Тулуза" билан тўқнаш келиб, 6:3 ҳисобида ғалаба қозонди. 
 
Португалиялик ярим ҳимоячи ҳисобланган Жоау Невеш ушбу беллашув давомида хет-трикни расмийлаштирди (7, 14 ва 78). Усмон Дембеле эса 31 ва 51-дақиқаларда икки бор пенальтидан унумли фойдаланиб, дубль муаллифи бўлди. Бундан ташқари, Баркола ҳам 9-дақиқада ўз номини таблога ёздириб қўйди. Парижликлар 6 голига "Тулуза" футболчилари 3 гол билан жавоб берди (Чарли Крессуэлл 37, Янн Гбоо 89 ва Алексис Восса 90+1).