ЖЧ саралаши. Сўнгги дақиқаларда учта гол урган Саудия пешқадамликни сақлаб қолди

Жаҳон чемпионати саралаш босқичидан ўрин олган Сингапур ҳамда Саудия Арабистони терма жамоалари ўртасидаги ўйин ўз якунига етди. Унда саудияликлар 3:0 ҳисобида ғалаба қозонди.

Ҳисоб 83-дақиқада Салим Ал-Довсари томонидан очилди. Орадан 3 дақиқа ўтиб, Фахад Ал-Муваллад орадаги фарқни иккитага оширди. Ҳакам томонидан қўшиб берилган дақиқаларда Солиҳ Аш-Шехри ҳисобни йирик кўринишга келтирди.

Шу тариқа, очколари сонини 17 тага етказиб олган "саҳро лочинлари" пешқадамликни мустаҳкамлади. 4-поғонадаги Сингапур ҳисобида 7 очко мавжуд.