Ҳусанов ўйнаган учрашувда Гвардиола рекорд ўрнатди
- 23-март, 13:46
- Zohir Toshxo’jayev
- 0
- Футбол
Хосеп Гвардиола “Манчестер Сити” билан тарихий рекорд ўрнатди. Лондондаги “Уэмбли” стадионида бўлиб ўтган Англия лигаси кубоги финал учрашувида манчестерликлар “Арсенал” устидан 2:0 ҳисобида зафар қучиб, бош совринга эга чиқди.
Маълумотларга кўра, Пеп Гвардиола турнир тарихида Англия Лига кубогини 5 марта юта олган илк мураббийга айланди. Испаниялик мутахассис 2018, 2019, 2020, 2021, 2026 йиллардаги финалларда ғолиб чиққан.
Умумий ҳисобда, бу “Манчестер Сити” учун Хосеп Гвардиола қўл остидаги 19-соврин ҳисобланади.
Эслатиб ўтамиз, Ўзбекистон терма жамоаси ҳимоячиси Абдукодир Ҳусанов финалда асосий таркибда майдонга тушиб, бутун ўйинни ўтказди ва 32-дақиқада сариқ карточка олди. Бу унинг Англиядаги ва умумий клуб фаолиятидаги илк соврини бўлди.