Филипе Коутиньо Россия клубига кўчиб ўтмоқда
- 24-феврал, 20:53
- Улуғбек Хошимов
- 0
- Футбол
Бразилия терма жамоаси собиқ юлдузи Филипе Коутиньо фаолиятини Россия Премьер-лигасида давом эттириши мумкин.
Ўз вақтида "Ливерпуль" клубида топ даражага чиқиб, дунёнинг энг истеъдодли футболчиларидан бирига айланган Филипе Коутиньонинг хизматларига Россиянинг ЦСКА клуби жиддий қизиқиш билдирмоқда. Аввалроқ, 33 ёшли футболчи "Васко да Гама" билан шартномасини бекор қилган эди. Айни вақтда Коутиньо эркин агент ҳисобланади.
Бразилиялик футболчи "Ливерпуль"дан ташқари, "Интер", "Барселона" ва "Бавария" каби Европанинг топ клублари шарафини ҳимоя қилган. "Трансфермаркт" портали хавбекни 3,5 миллион еврога баҳолаган.
Маълумот учун, ЦСКА РПЛнинг 18-туридан сўнг 36 очко билан 4-ўринни эгаллаб турибди.
Изоҳлар (0)
Ҳозирча изоҳлар йўқ