Энтони Жошуа ва Тайсон Фьюри ўзаро жанг қилади!

Оғир вазн тоифасида WBC, WBO, IBO, WBA Super, The Ring va IBF собиқ чемпиони Тайсон Фьюри IBF, WBA, WBO ва IBO собиқ чемпиони Энтони Жошуага қарши рингга кўтарилади. Бу ҳақда "The Ring" нашри хабар бермоқда.

Манбага кўра, Фьюри ва Жошуа ўртасидаги баҳс 2026 йилги "Riyadh Season" мега-турнирининг марказий тўқнашуви бўлади.

Бироқ ушбу қарама-қаршиликдан олдин Тайсон ҳам, Энтони ҳам "Riyadh Season" доирасида алоҳида биттадан жанг ўтказиши лозим. 

Маълумот учун, Жошуа сўнгги жангида ҳамюрти Даниэль Дюбуадан нокаутга учраган эди. Фьюри эса украиналик Александр Усикка қарши реваншда очколар бўйича енгилган эди.