Энди “Сити”дан кетмасак бўлмайди...

Англиянинг амалдаги чемпиони “Манчестер Сити”да жиддий ўзгаришлар рўй бериши кутилмоқда. Жорий мавсумнинг биринчи қисмида кузатилган муаммолар таркибни ёшартиришни талаб этади.

Буни тушунган ҳолда айрим ёши катта ўйинчилар клубни ўз ихтиёри билан тарк эта бошлади. Хусусан, 34 ёшли Кайл Уокер А Серия вакиллари билан музокара олиб бормоқда.

Энди орада бир “Барселона”да ўйнаб, яна “шаҳарликлар” сафига қайтган Илкай Гюндоған яна Манчестерни тарк этмоқчи. Чунки германиялик ярим ҳимоячининг ўйин вақти кескин камайиб кетди.

Ҳозир Туркия Суперлигаси етакчиси “Галатасарой” клуби 34 ёшли Илкайни таркибга қўшиб олиш учун ҳаракат бошлаган.

Истанбул жамоаси бош мураббийи Окан Бурук Гюндоған билан шахсан боғланиб, ҳамкорлик масалаларини муҳокама қилди.