"Челси" ўз етакчисини "Реал"га бериб қўймоқчи эмас

Лондоннинг "Челси" клуби ярим ҳимоячиси Энцо Фернандес билан шартнома узайтириш вариантини маъқул кўрмоқда.

"The Athletic" нашри берган хабарларга кўра, лондонликлар Жаҳон чемпиони бўлган футболчини жамоада сақлаб қолмоқчи. "Аристократлар" аргентиналик футболчининг маошини кўтаришга ҳам рози. Энцо учун Мадриднинг "Реал" клуби жиддий қизиқиш билдирмоқда. Бундан ташқари футболчининг ўзи ҳам жамоасини алмаштиришга қарши эмас. Фернандес 2023 йилнинг январида "Бенфика"дан "Челси"га 121 миллион евро эвазига кўчиб ўтган эди. Унинг Лондон клуби билан амалдаги шартномаси 2032 йилнинг ёзида якунига етади. "Трансфермаркт" портали хавбекни 85 миллион еврога баҳолаган.

Маълумот учун, 25 ёшли футболчи жорий мавсумда умумий 39та учрашувда майдонга тушиб, 11та гол ва 4та ассистни ўз ҳисобига ёздириб қўйди.