Бокс афсонаси яна рингга қайтмоқчи

Таниқли менежер Том Лоеффлер собиқ жаҳон чемпиони Владимир Кличконинг рингга қайтишни хоҳлаётгани ҳақидаги миш-мишларни тасдиқлади.

“Владимир тарихий шахс. У ҳозир ҳам чемпионлик учун курашмоқчи. Айни пайтда Кличкода жуда кўп вариантлар мавжуд. Масалан, Энтони Жошуа, Тайсон Фьюри, Даниэль Дюбуа кабилар билан жанг... Бироқ кимни танлаш Владимирнинг ўзига боғлиқ" - дея Лоеффлернинг сўзларини келтирди "The Ring".

Эслатиб ўтамиз, Владимир Кличко охирги жангида Энтони Жошуадан 11-раундда техник нокаутга учраган эди.