Бензема “Реал”дан кетишининг асл сабабини ошкор қилди
- 4-апрел 2025, 11:31
- Zohir Toshxo’jayev
- 0
- Футбол
“Реал” тарихидаги энг зўр ҳужумчилардан бири Карим Бензема 2023 йилнинг ёзида Мадрид клубини тарк этиб, Саудия Арабистонининг “Ал-Иттиҳод” жамоасига қўшилди.
36 ёшли ҳужумчи нега Испаниянинг энг қудратли клубидан кетгани сабабларини айтиб берди.
- “Реал”дан нега кетдим? Чунки бу клубда ҳамма нарсага эришиб бўлдим. “Реал”га ёш йигит даврим келгандим ва клубни кўплаб совринлар ва “Олтин тўп”га эга эркак сифатида тарк этдим. Бу жамоада барча орзуларим амалга ошди, - деди Карим Бензема.
Бензема “Ал-Иттиҳод”га эркин агент мақомида қўшилди. Унинг амалдаги шартномаси 2026 йилнинг ёзигача давом этади.
Жорий мавсумда франциялик футболчи барча турнирларда 25 маротаба майдонга тушиб, рақиблар дарвозасини 18 маротаба ишғол қилди ва жамоадошларига саккизта голли пас узатди.