Аршавин: "Улар ҳар қандай фаворит учун ноқулай жамоа"

Россиялик собиқ футболчи Андрей Аршавин Дания терма жамоасининг 2024 йилги Европа чемпионатидаги таркибига баҳо берди.

"Данияликлар фаворит жамоалардан эмаслиги аниқ.Аммо, улар яхши курашади, қанотдан тезкор ҳужумлар уюштиришади. Эриксен ўз ўйинини янада ёрқинроқ қилиши мумкин."

"Бу аввалги чемпионатдаги жамоа эмас. Суперфутболчилар унчалик кўп эмас. Умуман олганда, бу кучли жамоа, уларга қарши ўйнаш ноқулай бўлади. Данияликлар яхши ҳимояланишади, шу билан бирга улар стандарт вазиятларда хавфли. Шундай экан улар билан ўйнаш ҳар қандай фаворит учун ёқимсиз бўлади", - деди Аршавин Матч ТВ телеканалига берган интервьюсида.