“Арсенал” “Сити”нинг энг зўр ўйинчисини олади

Португалиялик плеймейкер Бернарду Силва мавсум якунида “Манчестер Сити”ни тарк этишини аллақачон маълум қилган эди.

ESPN нашри маълумотига кўра, унинг трансфери учун курашга “Арсенал” ҳам қўшилди. Шунингдек, “Барселона” ва “Ювентус” мутасаддилари футболчининг вакиллари билан музокараларни бошлаганига анча бўлган.

Микель Артета жамоа ўйинини кучайтириш ва ички рақобатни ошириш мақсадида 31 ёшли ҳужумкор футболчини Лондонга таклиф қилишни режалаштирмоқда.

Бернарду Силва 2017 йилда “Монако”дан 50 миллион еврога “Сити” клубига кўчиб ўтган эди. У жамоа сафида 452 та ўйинда 76 та гол ва 77 та ассист қайд этган.

Шунингдек, Бернарду клуб билан 6 марта АПЛ, 5 марта Лига кубоги, 3 марта Англия Суперкубогини, 2 марта Англия кубогини, ҳамда бир мартадан Чемпионлар лигаси, УЕФА Суперкубоги ва клублар ўртасидаги жаҳон чемпионатини ютиб олган.