Арабистондан қайтадиган юлдуз Италия грандларини “куйдирди”
- 24-декабр 2025, 20:19
- Zohir Toshxo’jayev
- 0
- Футбол
Европадаги фаолияти давомида “Порту” ва “Вулверхэмптон” жамоаларида порлаган Рубен Нееш 2023 йилнинг ёзида Саудия Арабистонининг “Ал-Ҳилол” жамоасига кўчиб ўтган эди.
28 ёшли футболчи яна “кўҳна қитъа”га қайтиш истагини билдирди. Шундан сўнг, Италиянинг икки қудратли клуби “Ювентус” ва “Интер” тажрибали ярим ҳимоячини олиш бўйича режа тузиб, ишга киришди.
Бироқ Рубен Невешга Англия Премьер-лигаси вакиллари – “Манчестер Юнайтед” ва “Ньюкасл” эътибор қаратганидан кейин португалиялик юлдузнинг режаси ўзгариб қолди.
Caught Offside нашрининг ёзишича, Невеш Италияга боришдан бош тортиб, Англияга қайтиш вариантини танлади.
Футболчининг шайхлар билан келишуви 2026 йилнинг 30 июнь куни тугайди. Европа клубларини Невеш даражасидаги ўйинчини эркин агент мақомида бепул қўлга киритиш имконияти ўзига жалб қилмоқда.