Араб кубоги. Саудия Арабистони Фаластинни енгиб, ярим финалга чиқди

Қатар мамлакатида ўтаётган Араб кубоги ўзининг ҳал қилувчи палласига кирмоқда. Чорак финал босқичидан ўрин олган баҳсда Саудия Арабистони Фаластинни 2:1 ҳисобида мағлуб этди.

Дастлаб, учрашувнинг 58-дақиқасида Фирас Ал-Бураикан пенальтидан гол уриб, саудияликларни ҳисобда олдинга олиб чиқди. Аммо 64-дақиқада Удай Даббаг ҳисобни тенглаштирди. Асосий вақтда бошқа гол урилмади ва жамоалар экстра-таймга ўтишди. 115-дақиқада Маҳаммад Канно рақиб дарвозасини ишғол қилиб, ҳисобни 2:1 кўринишига келтирди.

Шу тариқа, Эрве Ренар шогирдлари ярим финал йўлланмасига эга чиқди.