Англия суперклуби “эл-класико”га келади. Уларнинг махсус режаси бор

Англия Премьер-лигасининг амалдаги ғолиби “Ливерпуль” Испания чемпионатининг ўнинчи тури доирасида “Сантьяго Бернабеу”да бўладиган “Реал” ва “Барселона” ўртасидаги учрашувга ўз вакилларини юборади.

Ливерпуллик скаутлар “эл-класико” давомида “Қироллик клуби”нинг иккинчи ярим ҳимоячиси – Орельен Тчуамени ва Эдуардо Камавинганинг ўйинларини бевосита стадионда кузатиб,  уларнинг ҳаракатларига баҳо бериш топшириғини олган.

Defensa Central нашрининг маълум қилишича, “Ливерпуль” раҳбарияти франциялик икки футболчини ўз позицияси бўйича жаҳондаги энг зўр ижрочилар деб билади. Ангдия чемпионлари Тчуамени ва Камавинга трансфери жамоани юқори мақсадлар учун курашишида муҳим аҳамият касб этишига ишонмоқда.

Жорий мавсумда Ла Лигада пешқадамлик қилаётган “Реал” ва амалдаги чемпион “Барселона” ўртасидаги навбатдаги “эл-класико” 26 октябрь куни Тошкент вақти билан соат 20:15 да бошланади.