Аббосбек Файзуллаев гол урган учрашувда Ўзбекистон Европа вакилидан устун келди

Ўзбекистон U-20 терма жамоаси халқаро ўртоқлик учрашуви доирасида Словакиялик тенгдошлари билан куч синашди. Мазкур беллашувда вакилларимиз 2:0 ҳисобида рақибдан устун келди. 

Дастлаб, 5-дақиқада Пўлатхўжа Ҳолдорхонов пенальтидан гол уриб, учрашувда ҳисобни очди. 25-дақиқада Аббосбек Файзуллаев орадаги фарқни иккитага етказиб қўйди. 

Қайд этиш лозим, ушбу баҳс Тошкентдаги "Локомотив" стадионида бўлиб ўтди.