Zidan "Real"ni kichik Frantsiya terma jamoasiga aylantirmoqchi shekilli...

"Real" Madrid klubi mavsumlar oralig‘idagi transferlar davrida asosiy e’tiborni markaziy chiziqqa qaratmoqchi.

Marca nashrining yozishicha, “qirollik klubi” bu borada Pol Pogba ("Manchester Yunayted"), Ngolo Kante ("Chelsi") va Eduardo Kamavinga ("Renn") nomzodini ko‘z ostiga olib qo‘ygan. Ular orasida Pogbaning kelmasligi haqiqatga yaqinroq. Chunki, uning transfer narxi juda yuqori va maoshi ham ancha baland hisoblanadi.

E’tiborlisi, yuqoridagi uchchala nomzod ham huddi jamoa bosh murabbiyi Zinedin Zidan singari frantsiyalik hisoblanadi.