Yangi yulduz “Real”ni mensimadi!

“Chelsi”da ikkinchi mavsumini ham yuqori darajada o‘tkazayotgan  hujumkor futbolchi Koul Palmer samarali o‘yinlari bilan “Real” mutasaddilari nazariga tushgan edi.

Madridliklar bu o‘yinchining transferiga jiddiy ahamiyat qaratmoqda.

“Chelsi” rahbariyati ispan grandining maqsadidan xabar topgach, o‘z o‘yinchisini 200 million evroga baholadi.

TEAMtalk nashrining yozishicha, Koul Palmer ham “Real”dan bo‘layotgan qiziqishga munosabat bildirdi.

Unga ko‘ra, 22 yoshli o‘yinchi o‘zini Angliya Premer-ligasida juda baxtiyor his qilmoqda. U o‘zi o‘ynayotgan chempionatni dunyodagi eng kuchli musobaqa, deb biladi. Palmer aynan Angliya futbolida yanada o‘sishi mumkinligini inobatga olib, hozircha boshqa ligalarga o‘tmasligini ma’lum qildi.