"Roma" futbolchisi kelgan joyiga qaytib ketadi

"Roma" yarim himoyachisi Serjiu Oliveyra yana Portugaliyaga qaytishi mumkin. Corriere dello Sport nashri tarqatgan xabarga qaraganda, “bo‘rilar” “Portu”dan ijaraga olingan futbolchini sotib olmasligi mumkin.

Serjiu Oliveyra “Roma” safida unchalik ishonchli o‘yin ko‘rsatmayotganidan so‘ng klub rahbariyati uni olib qolishni xohlamayapti. U “Portu”ga qaytishi mumkin.

Bosh murabbiy Joze Mourino hali ham jamoada yaxshi drijyor bo‘lishini xohlaydi. Shu ma’noda, Granit Jaka "Roma"ning nishoniga aylanmasligi mumkin, chunki u "Arsenal"da yaxshi o‘yin ko‘rsatmayapti. “Manchester Yunayted” yarim himoyachisi Nemanya Matich ham nomzodlar orasida bor, lekin uning yoshi klub rahbariyatini o‘ylantirib qo‘ygan.