Хаби Алонсо "Реал" афсонасини захирага ўтказишга қарор қилди

"Реал Мадрид" бош мураббийи Хаби Алонсо жамоадаги айрим оғир қарорларни қабул қилишни бошлади. "E-Noticies" нашрининг хабар беришича, у жамоа сардори ва клуб афсонаси Дани Карвахальнинг асосий таркибдаги кафолатланган ўрнини бекор қилган.

33 ёшли футболчи ўтган кузда жароҳат олгунча ўз позициясида дунёдаги энг яхши ўйинчилардан бири сифатида эътироф этиларди. Бироқ энди, манбага кўра, у кўпроқ захира ўриндиғида қолишига тайёр туриши керак бўлади.

Алонсо Карвахаль ўрнига ўнг қанот ҳимоясида асосий футболчи сифатида англиялик Трент Александр-Арнольдни кўришни режалаштирмоқда. Унинг ўйин услуби Хабининг тактик қарашларига тўлиқ мос келади.