"Neftchi" ikkinchi davraga tayyorgarlikni boshladi. Oldinda Tojikiston klubiga qarshi o‘rtoqlik o‘yini bor

"Neftchi" jamoasi birinchi davradan keyingi tanaffusdan foydalanib ikkinchi davraga tayyorgarlik mashqlarini qizg‘in davom ettirmoqda. Jamoa Rossiyaning "Ural" klubi bilan o‘tkazilgan xalqaro o‘rtoqlik uchrashuvidan qaytgach ,to‘rt kun dam oldi.

18 iyul kuni Vitaliy Levchenko boshchiligidagi jamoa a’zolari ikkinchi davra o‘yinlariga tayyorgarlik rejasi bo‘yicha mashg‘ulotlarni Qirgulidagi qarorgoh stadionida boshlab yubordi.

Asosiy maqsad, 21 iyulda Tojikistonning "Esxata" jamoasi bilan bo‘lib o‘tadigan o‘rtoqlik uchrashuvini yuksak saviyada yakunlab, keyingi rasmiy bahslarga har jihatdan puxta tayyorgarlik bilan borishdan iborat.

"Neftchi" matbuot xizmati.