Muaytaychilarimiz MDH o‘yinlarida 8 ta medalni qo‘lga kiritdi

Xabaringiz bor, Rossiyaning Qozon shahrida MDH o‘yinlari bo‘lib o‘tmoqda. Mazkur turnirda o‘zbekistonlik sportchilar ham muvaffaqiyatli ishtirok etayapti. Muaytaychilarimiz ham o‘zlarini ijobiy tomondan ko‘rsatib, sovrinli o‘rinlarni qo‘lga kiritdi.  

Jumladan, muaytay ustalari terma jamoamiz delegatsiyasiga 8 ta medalni qo‘shib qo‘yishdi.  57 kg vazn toifasida yurtimiz sharafini himoya qilgan Faxriddin Hasanov  MDH o‘yinlari chempioniga aylandi. U finalda qirg‘izistonlik Ularbek Abdievni mag‘lubiyatga uchratdi. Shuningdek, Parviz Abdullaev (63,5 kg) kumush, Davlatshoh Shamsiev (60 kg), Rahimjon Boltaboev (67 kg), Karimjon Karimov (71 kg), Azizbek Madaminov (75 kg), Shahramxon Hasanxonov (81 kg), Ismatilla Ismatillaev (91 kg) bronza medaliga sazovor bo‘ldi.

Shu tariqa O‘zbekiston delegatsiyasida medallar soni  67 taga etdi. Shulardan 17 tasi oltin medallardir. Kumush medallar soni 26 ta, bronzalar esa 24 tani tashkil etgan va medallar jamg‘arish bo‘yicha Rossiyadan keyin 2-o‘rinni band etib turibdi.