"Lion" o‘z safiga "Milan" hujumchisini qo‘shib olmoqchi

"Milan" klubi vingeri Suso "Lion"ning qiziqishlar doirasiga kirib qoldi. Bu haqda L’Equipe nashri xabar tarqatmoqda.

Frantsiya grandi 25 yoshli ispaniyalik futbolchini sotib olishni rejalashtirmoqda. “Rossonerilar” esa Susoni 30-35 mln evro evaziga qo‘yib yuborishga tayyor.

Bundan avvalroq unga “Fiorentina” qiziqish bildirayotgan edi. Biroq, “Milan”ning talabi “binafsharanglilar”ga to‘g‘ri kelmagan.

Ma’lumot uchun, Suso o‘tgan mavsum “Milan” safida jami 35ta o‘yinda maydonga tushdi va 7ta gol hamda 10ta golli uzatma yozdirib qo‘yishga erishdi.