Jiru uchun kurashda qaysi jamoa favorit?

Londonning "Chelsi" klubi forvardi Olive Jiru uchun kurashda qaysi jamoa favorit ekanligi ma’lum bo‘ldi.

The Telegraph nashri tarqatgan xabarga ko‘ra 33 yoshli frantsiyalik futbolchi uchun hozirgi kunda eng yaxshi imkoniyat "Inter"da hisoblanadi. “Neradzurrilar” yozda erkin agentga aylanadigan futbolchi uchun “aristokratlar”ga 3 mln evro taklif qilishgan.

Ta’kidlash kerakki Jiruning o‘zi ham “Chelsi”dagi sobiq ustozi Antonio Konte qo‘l ostida to‘p surishga rozi.

Ma’lumot uchun, Jiru joriy mavsum “Chelsi” safida 7 ta o‘yinda maydonga tushdi va 1 ta gol urishga erishdi.