Jek Grilishga "Aston Villa"ni tark etishni tavsiya qilishmoqda

"Manchester Siti" sobiq himoyachisi Mayka Richards "Aston Villa" sardori Jek Grilishga klubni tark etishni maslaxat berdi.

"Jek "Aston Villa"ni yaxshi ko‘radi, biroq endi unga bu klub kichkinalik qiladi. Men uni Chempionlar ligasida ham to‘p surishini xohlayman. Agar "Villa" Primeer-ligada qolishni uddalasa, unda Grilish aniq klubni tark etmaydi", - deydi Richards.

Oldinroq, futbolchi uchun "Manchester Yunayted" va "Tottenxem" klublari da’vogarlik qilayotgani xabar qilingan edi.