Hozirgi o‘yinchilarning birortasi “Manchester Yunayted”da qoladiganga o‘xshamaydi!

“Manchester Yunayted”ning sobiq himoyachisi Rio Ferdinand jamoada katta tozalash bo‘lishi kutilayotganini taxmin qilmoqda.

- Hozirgi o‘yinchilarning birortasi jamoada qoladiganga o‘xshamaydi. Hammasi ketmoqchi shekilli. Menga kamida 15 nafar o‘yinchi jamadonlarini yig‘ishtirib, Manchesterni tark etishga tayyor turgandek tuyulyapti.

Ilgari bunaqasi bo‘lganmi?

Jamoaga yangi murabbiy keladi va u vaziyatni o‘zgartirishi uchun Eynshteyn darajasida aqlli bo‘lishi kerak, - dedi Rio Ferdinand.

Ayrim ma’lumotlarga qaraganda, klub rahbariyati futbolchilarni tez orada Erik ten Xag bosh murabbiy sifatida tanishtirilishi haqida ogohlantirgan.