Hamidjon Aktamov: Namanganda hamma jamoa ham ochko ololmaydi
Kecha Superliganing 14-turi doirasidan o‘rin olgan "Navbahor" - "Qizilqum" (0:1) uchrashuvidan keyingi matbuot anjumanining dastlabki qismida mehmonlar ustozi Hamidjon Aktamov ishtirok etdi va o‘z fikrlarini bildirdi.
"Ikkala jamoa hujumkor, qiziqarli o‘yin namoyish etishdi deb o‘ylayman. Menimcha bugun g‘alabaga munosib harakat qildik. Ikkala jamoada ham yangi futbolchilar ko‘p, shu bois ular bir-birini tushunib ketishi uchun vaqt kerak bo‘ladi. Namanganda boshqa muxlislarga o‘rnak bo‘la oladigan muxlislar bor.
Barqarorlikni ushlay olmaganimiz uchun tarkibdagi ko‘plab futbolchilarni almashtirdik. Namanganda hamma jamoa ham ochko ololmaydi.
"Navbahor" bugun yomon o‘ynagani yo‘q, ko‘p hujum qildi, ammo bizning futbolchilar qanday topshiriq berilgan bo‘lsa barchasini bajarishdi", - deydi Hamidjon Aktamov.
Fikrlar