Grizmandan ajoyib natija

29-avgust, dushanba kuni La Liganing 3-turi doirasidagi so‘nggi uchrashuv bo‘lib o‘tdi va unda Madridning “Atletiko” klubi safarda “Valensiya”ni 1:0 hisobida mag‘lub etdi.

Antuan Grizmann “matraschilar”ga g‘alaba keltirgan gol muallifiga aylandi. Uning uchun bu gol Ispaniya chempionati oliy divizionidagi 160-gol bo‘lib tarixda qoldi. U La Liga tarixidagi to‘purarlar ro‘yxatida 17-o‘ringa ko‘tarilib, Luis Aragones bilan tenglashib oldi.

Frantsiyalik futbolchining navbatdagi gollar Samuel Et'Oning rekordini yangilashi mumkin - 162 gol. Rekord esa Lionel Messiga tegishli - 472.

Qolaversa, Grizmann "Atletiko" tarixida 100 ta gol urgan oltinchi futbolchiga aylanishi uchun ham yana 2 ta gol urishi kerak.