Dmitriy Bivolning menejeri navbatdagi raqib borasida ma’lumot berdi

Yarim og‘ir vazn (79,378 kg) toifasida WBA yo‘nalishi chempioni Dmitriy Bivolning (21-0,11KO) menejeri o‘z mijozining ehtimoliy raqiblari nomini aytdi.

“Biz muhokama qilayotgan raqiblar – Xayme Mungiya, Radivoe Kalaydjich, Lindon Artur, Entoni Yard va yana boshqalar ham bor. Rejamizga ko‘ra, navbatdagi jang ham AQShda bo‘lishi kerak. Dmitriy Bivol bugungi kunda boksning eng yaxshilaridan biri va yaqin kelajakda vazn toifasidan qa’ti nazar, eng yaxshi ekanligini isbotlash uchun barcha imkoniyatlar mavjud. Hozir ko‘p gaplar va turli bahonalar bor, lekin vaqt keladi va bu yigitlarning ba’zilari u bilan jang qilishga majbur bo‘ladi”, - dedi menejer The Ring nashriga bergan intervyusida.

Eslatib o‘tamiz, Dmitriy Bivol so‘ngi jangida Gilberto Ramiresni (44-1,30 KO) mag‘lub etgandi.