“Chelsi” o‘z futbolchisini qaytarib ololmadi!
“Lion” rahbariyati “Chelsi”dan ijaraga olingan chap qanot himoyachisi Emerson Palmerini muddatidan oldin Londonga jo‘natishdan bosh tortdi.
“Aristokratlar”ning asosiy himoyachisi Ben Chiluell og‘ir jarohat olganidan keyin Tomas Tuxel uning o‘rniga italiyalik o‘yinchini ijaradan qaytarishni rejalashtirgan edi.
Hozircha, Tuxel chap qanotda faqatgina Markos Alonsodan foydalanishi mumkin. Biroq 31 yoshli ispan futbolchisi yaxshi himoyalangan bilan hujumga o‘tishda tezligi etishmayapti.
“Lion” mutasaddilari “Chelsi”ning Emersonni ortga qaytarish bo‘yicha so‘roviga rad javobini berdi va 27 yoshli himoyachi mavsumni Frantsiya chempionatida yakunlashini ma’lum qildi.
Fikrlar