"Barselona" Valverdeni qachon iste’foga chiqarishi mumkin?

Kataloniyaning "Barselona" klubi bosh murabbiyi Ernesto Valverde iste’foga chiqarilish arafasida turibdi.

RAC1 nashri tarqatgan xabarga ko‘ra “ko‘k-anor ranglilar” rahbariyati 13 yanvar kuni bo‘ladigan direktorlar kengashi yig‘ilishida uning jamoadagi kelajagini muhokama qilishadi.

Eslatib o‘tamiz, "Barsa" kecha "Atletiko"ga (2:3) imkoniyatni boy berib Ispaniya Superkubogidagi yurishini to‘xtatgan edi.

Ma’lumot uchun, Valverde “Barselona”ni 2017 yildan buyon boshqarib kelmoqda. Kataloniyaliklar uning boshqaruvida jami 4 ta sovrin qo‘lga kiritishdi.