Ana xolos! MLS klubi timsoh bilan shartnoma imzoladi (FOTO)

Kanadaning “Toronto” klubi mashg‘ulotlariga kutilmaganda “tashrifi” bilan tezda mashhur bo‘lib ketgan timsoh endi shu jamoa a’zosiga aylandi.

MLS ishtirokchisi hisoblangan “Toronto” o‘zining tvitterdagi rasmiy sahifasida ushbu timsohni ijaraga olganini e’lon qildi.

“Muhim yangilik! “Toronto” Alli Gator (timsoh) bilan qisqa muddatli ijara shartnomasi tuzdi”, - deyiladi klub xabarida.

Ehtimol, bu "transfer" "Toronto"ga natijalarini yaxshilashga yordam berar, chunki klub mavsumni yomon boshladi. Kanadaliklar dastlabki ikki turda atigi bitta ochkoni qo‘lga kiritishdi.